Espectáculo de maxia

 

A IGUALDADE NON TEN TRUCO! 

Onte pola tarde acudimos co alumnado de ESO e Bacharelato ó Auditorio Municipal para asistir ó espectáculo "A igualdade non ten truco", da compañía Magia en la Manga.

Os magos Sara Rodríguez e Carlos Tomico, coa colaboración dun bo número de magníficos pequenos axudantes, fixéronnos gozar e sorprendéronnos cos seus trucos de ilusionismo mentres realizaron un percorrido por diferentes conceptos básicos do feminismo.

A actividade foi organizada conxuntamente pola Biblioteca e o EDLG grazas á colaboración do Concello de Cariño.