25N - Contra a violencia de xénero

25N. DÍA CONTRA A VIOLENCIA DE XÉNERO

O pasado 25 de novembro conmemoramos o Día Internacional contra a Violencia de Xénero no centro.

 

O alumnado de 1º da ESO que cursa a materia de Investigación e tratamento da información estivo traballando durante varias semanas con Marián sobre esta efeméride. Buscaron información para coñecer o motivo polo que se escolleu esta data, definiron o que era a violencia de xénero e reflexionaron e debateron sobre o que podemos facer no noso día a día para axudar a solucionar este problema. O resultado do seu traballo plasmárono nun vídeo reivindicativo (pica aquí).

Ademais, todo o alumnado da ESO traballou durante as dúas últimas semanas na elaboración dun mural colaborativo. 

Cada titoría ocupouse de traballar un aspecto diferente:

  - O grupo de 1º ESO creou mensaxes de rexeitamento contra a violencia de xénero.

 - A titoría de 2º ESO traballou coa prensa, buscando noticias relacionadas con este tema.

 - Os grupos de 3º ESO e 3º PMAR traballaron o eido da música, analizando letras de cancións para detectar aquelas que conteñen mensaxes discriminatorias ou que incitan á violencia contra a muller.

 - Por último, a clase de 4º ESO traballou a publicidade e atopou varios exemplos de anuncios sexistas.

 

Nestes tempos de pandemia que vivimos é importante non esquecer as outras epidemias que nos azoutan.