A exposición “Arde la calle” do fotógrafo Miguel Trillo poderase visitar no centro cultural Ágora da Coruña, desde hoxe 29 de febreiro até o próximo 25 de maio. Percorre os máis de 30 anos que o autor dedicou a fotografar tribos urbanas, un traballo que presenta en 80 imaxes tomadas por todo o mundo desde Londres até Pequín, pasando por Manila ou Dubai, sen esquecerse de Galicia.