Premios Samaín 2020

PREMIOS DOS CONCURSOS DE SAMAÍN

Xa temos as gañadoras dos concursos de Samaín!!

No Concurso de máscaras arrepiantes o xurado decidiu outorgarlle os premios a:

Moitos parabéns, rapazas!!

Deixámosvos unhas fotos das máscaras gañadoras e de tódolos traballos presentados:

 

No Concurso de narración de historias de medo o premio foi declarado deserto por mor da escasa participación 😢

                                   

SAMAÍN 2020

 

SAMAÍN 2020

 

A fin de semana pasada celebrouse o Samaín e, como non podía ser doutra maneira, o seu espírito chegou á nosa Biblio. Deixámosvos aquí unhas fotos do aspecto que loce dende hai uns días. Parece que as arañas viñeron facer das súas...

                          

Ademais, na mesa do vestíbulo tedes dispoñible unha selección de libros e películas arrepiantes. Vide botar un ollo e escollede os que máis vos gusten!

Ó longo desta semana daremos a coñecer as persoas gañadoras dos concursos organizados arredor desta celebración.

Formación Novos Usuarios

 

FORMACIÓN DE NOVOS USUARIOS 

O pasado xoves 29 de outubro levamos a cabo unha sesión de formación dos novos usuarios de 1º ESO, que debido ás circunstancias actuais se realizou en dous espazos e en varias quendas.

Comezamos conversando co grupo na súa aula. A rapazada contounos que é para eles unha Biblioteca, as súas experiencias previas nestes lugares e a súa relación coa lectura. A continuación proxectamos un vídeo elaborado polo Equipo da Biblioteca no que o alumnado dos cursos máis altos nos explican as novas normas de uso derivadas da crise da COVID. Podedes ver o vídeo completo na web do centro (pica aquí).

   

En quendas, baixamos logo á Biblioteca para que os novos usuarios puidesen coñecer os seus fondos e ver como están organizados. A clase demostrounos que estivera ben atenta ó vídeo poñendo en práctica tódalas novas normas! Deixámosvos aquí algunhas imaxes:

 

Semella que 1º da ESO é un grupo ó que lle gusta moito ler. Así que, rapazada esperamos que nos visitedes con frecuencia. Agardámosvos na Biblioteca!!

Reapertura de portas!

 

ESTAMOS DE VOLTA!

Este inicio de curso está sendo un pouco peculiar. Tivemos que repensar moitas cousas e tomar unhas cantas decisións antes de poder abrir, pero por fin a Biblioteca está de volta e funcionando!

  

Dende a semana pasada, xa está dispoñible o servizo de préstamo e devolución, que terá lugar durante os recreos. Hai algunhas novidades en canto ás normas de uso este curso. Deixámosvos aquí un cartel informativo:

 

Abrimos as nosas portas coincidindo coa semana na que se celebrou o Día das Bibliotecas e para festexalo preparamos unha pequena exposición con algunhas das novidades que nos acaban de chegar. Dentro da Biblio agárdanvos moitas máis, vide descubrir estes tesouros!

Tamén nesta semana comezamos coa Hora de ler na ESO, que sabemos que vos gusta! 

E, como o Samaín está á volta da esquina, propuxémosvos dous concursos:

 

Animádevos a participar, que sodes unhas/uns artistas que mete medo!

 

Nos próximos días teredes máis noticias nosas neste blog, pero, mentres tanto, estade atentxs ás nosas redes sociais. Bo inicio de semana!