A Escola Técnica Superior de Enxeñeiros
Industriais da Universidade Politécnica de Madrid (UPM) acolle até 30 de
xaneiro a exposición “María Moliner: muller,
bibliotecaria e lexicógrafa”.
A mostra ofrece un completo repaso á súa vida a
través de tres prismas distintos pero complementarios: a súa persoa, as súas
actividades como bibliotecaria e o seu incansable labor como autora dun dos
dicionarios máis utilizados en español.
María Moliner, autora dun das obras de consulta
máis influentes do castelán, o Dicionario
de uso do español, incorporouse como directora da Biblioteca da ETSI
Industriais en 1946, e xa desde o primeiro momento iniciou a creación do
tesauro.
Axudada tan só dunhas cuartillas, dous atrís e
unha máquina de escribir, como se pode comprobar nas fotografías da exposición,
redactou persoalmente os miles de fichas nas que recollía os distintos usos de
cada palabra, as súas acepcións, termos relacionados, etc., que uns anos
despois utilizaría para conformar o seu dicionario.
Gabriel
García Márquez dixo de María Moliner que "fixo unha
proeza con moi poucos precedentes: escribiu soa, na súa casa, coa súa propia
man, o dicionario máis completo, máis útil, máis acucioso e máis divertido da
lingua castelá”.
Ningún comentario:
Publicar un comentario