Volveron á Biblio os Recreos de Micro Aberto!
A semana pasada tivo lugar o primeiro Recreo de Micro Aberto deste curso e o encargado de inauguralo foi o noso recén estreado exalumno David Ramos, que veu compartir connosco a súa experencia no paso do instituto á vida universitaria.
Se vos preguntades como é a vida dun pixín en Compostela a resposta é: moi intensa. David tiña tanto que contarnos que un recreo non lle chegou a nada, así que fixo dobrete e veu visitarnos o xoves e o venres.
Que interesante todo o que nos contou e os consellos que lles deu ás/ós que están a piques de deixar o instituto! A ABAU, as residencias universitarias, as bolsas para estudantes..., pero tamén as actividades culturais, as manifestacións e as novas amizades foron algúns dos temas dos que nos falou neste seu primeiro ano como universitario.
Ningún comentario:
Publicar un comentario