Cantacontos no Cole

SESIÓN DE CANTACONTOS NO COLE DE CARIÑO!

Un grupo de oito alumnas de 2º ESO, acompañadas por dous dos profes da Biblioteca, foi de visita esta mañá ó Colexio de Cariño para contarlle e cantarlle uns contos ó alumnado de Infantil e de 1º e 2º de Primaria e ás súas profes.

Tras varias semanas de preparación e ensaios na Biblio, coordinados por David, o profe de lingua, as nosas artistas debutaron ante a rapazada do cole con dous contos musicais nos que adaptaron as obras Corre corre, cabaciña, de Eva Mejuto, e A toupiña que quería saber quen lle fixera aquilo na cabeza, de Werner Holzwarth, co acompañamento de David á guitarra.

A xulgar pola duración dos aplausos e os berros dos máis pequenos, que pedían repetir cada canción, augurámoslle un futuro prometedor no eido teatral a este grupo das "Pichiñas".