I Micro Aberto

MICRO ABERTO CON... MIMÍ!

Nesta semana da Muller 💜, inauguramos os Recreos de Micro Aberto con Mimí, avoa dunha alumna de 4º da ESO que veu compartir con nós a súa experiencia como muller emigrante que combinou o traballo dentro e fóra da casa.

Mimi logrou captar a atención do público e mantívonos ensimesmados escoitando a historia da súa vida, que transcorreu entre diversos países. A adaptación a distintas linguas e culturas e a aprendizaxe de distintos traballos conxugouna co coidado de dous fillos e coa morriña do seu Cariño natal. 

Encantounos falar con ela e estamos desexando que volva!