Resumo Samaín 2022

🎃 ASÍ FOI O SAMAÍN 2022! 🎃

Dicímoslle adeus ó mes de outubro cun resumo das actividades que realizamos a semana pasada para festexar o Samaín:

O martes 25 iniciamos os "Recreos de Medo"👻 con David e Mónica, voluntarios da Biblio de 2º BAC, e os "papirocontos" de medo que nos prepararon. 

E así pasamos o mércores tamén, contando e escoitando máis historias da man do alumnado e profesorado que se animou a compartilas co resto. 

Nahia, Paula, Adriana, Melisa, Vania, Noa, Andrea e Mara, de 2º ESO, representaron para nós o xoves a peza "Corre corre, cabaciña" 🎃. Contaron coa axuda de David, o noso profe de castelán, que puxo a nota musical.

E o venres rematamos a semana cun moi bo sabor de boca. O alumnado púxollo difícil a un xurado moi especial que tivo que escoller os mellores doces e cabazas dos nosos concursos.