A NASA felicita o 2014 facendo resumo do ano 2013. Este foi un ano moi especial para a axencia espacial dos EUA. Á competencia da ESA, súmanse novos actores no espazo, como China, que ven de poñer astronautas en órbita e enviar unha sonda á Lúa. Ó tempo, xurden competidores privados, como SpaceX, que coa súa cápsula “Dragón” foi quen de acoplarse á Estación Espacial Internacional.

O “Curiosity” segue a atopar indicios de que Marte poido acoller vida. Ó planeta roxo viaxou tamén a sonda Maven. E comezan plans para ver de “capturar” un asteroide. Así foi 2013 segundo a NASA, nun espectacular vídeo.

http://www.gciencia.com/video/a-nasa-felicita-2014-cos-fitos-do-2013/