PATRIA COMÚN. DELIBES ILUSTRADO

Patria común. Delibes ilustrado é a exposición que percorre o universo de Miguel Delibes en quince seccións que recollen as constantes da visión sobre os nenos na obra do autor.

Desde o 5 de febreiro até o 31 de marzo pódese gozar desta exposición no Museo ABC de Debuxo  e Ilustración de Madrid e percorrerá o mundo da man do Instituto Cervantes, a través da súa rede de centros durante 2013 e 2014.

Patria común. Delibes ilustrado é unha iniciativa impulsada pola Fundación Miguel Delibes, coa colaboración das entidades que acollen o proxecto nas súas sedes.

Miguel Delibes tivo unha visión moi próxima á infancia, e soubo reflectir en todas as súas obras a idea do neno e dos seus pensamentos. Delibes creou personaxes infantís que agora ven reflectidos nesta exposición que fala de temas tan complexos como o respecto á natureza, a vida na cidade, o progreso, a amizade, o amor, ou a traizón.