XVII Xornada de Clubs de Lectura

Este mércores, a profesora coordinadora do Club de Lectura da nosa Biblio, Ana Bravo, asistiu en Santiago á XVII Xornada de Clubs de Lectura, celebrada no Palacio de Congresos e Exposicións de Galicia.

Concerto de Amoebo

Amoebo en Cariño!

No marco do Mes das Letras Galegas, este venres 23 de maio todo o centro acode ó Auditorio de Cariño para asistir a un concerto de Amoebo 🎸🎤

Amoebo é un grupo de música urbana formado por Aron e David que se alimenta do pop Idol dos anos 80 ós 2000, mesturando sons e ritmos actuais con rock, metal e synthpop de antano. No seu espectáculo únense festa, diversión sen prexuízos e bailes desmedidos, que reflicten temáticas que tocan o día a día da mocidade galega. Con esta proposta, Amoebo busca romper estereotipos tanto na música coma no espectáculo que trae para a comunidade educativa do IES Cabo Ortegal.

O seu traballo xa pasou por festivais como O Son do Camiño, o Atlantic Pride, o Surfing the Lérez e o Festival da Luz, entre outros.

Obradoiro con Andrea Montero

Obradoiro de música tradicional

Nesta véspera do Día das Letras Galegas recordamos o obradoiro de música tradicional que tivo lugar o pasado 25 de abril da man de Andrea Montero, pandereteira e cantareira en diversos proxectos como Aliboria ou Baiuca.

O obradoiro estaba dirixido a todo o alumnado previamente inscrito e nel, tras tras facer unha introdución sobre o Día das Letras Galegas e as cantareiras, Andrea amosounos diferentes instumentos tradicionais e ensinounos coo se tocan. 

Que importante manter a nosa lingua, cultura e tradicións e transmitírllelas ós máis novos para que pervivan! 💙🤍

A actividade foi organizada conxuntamente polo EDLG, os Departamentos de Lingua Galega e Música e a Biblioteca.

Resolución do Certame 'Exeria'

Neste mes das Letras Galegas, os Equipos de Dinamización da Lingua Galega do IES Cabo Ortegal, do IES Pedro Floriani e do IES Mendiño facemos pública a resolución da quinta edición do Certame de microrrelato e fotografía Exeria, convocado en colaboración coa Biblioteca Escolar e o Servizo de Normalización Lingüística do Concello de Redondela:

Felicidades a tódalas persoas gañadoras e, moi especialmente, ás nosas alumnas Vera, Andrea e Ana.

Micro Aberto con Jorge Bravo

Estudar... escavar... voar!

Na última sesión dos Recreos de Micro Aberto, celebrada o pasado xoves, recibimos a visita de Jorge Bravo, irmán de Ana Bravo, a nosa profe de Lingua Castelá.  

Jorge falounos das voltas que dá a vida, dos cambios, das segundas oportunidades e das historias con final feliz, porque algunhas persoas necesitamos probar varias cousas ata saber o que queremos.

Tamén nos desvelou algúns segredos que ocorren nas alturas! ✈️🤫.

Día do Libro

 

Día do Libro

A que esperas para ir ó noso Instagram e ver o vídeo deste ano?

Libros na rúa polo Día do libro

Libros na rúa!

Con motivo do Día do Libro📖🌹, esta mañá o noso alumnado voluntario saíu á rúa para repartir libros expurgados da Biblioteca entre a veciñanza de Cariño.

Visita de Antonio Manuel Fraga

O pasado xoves, 10 de abril, nas vésperas das vacacións de Semana Santa, o alumnado de 4º da ESO mantivo un encontro co eumés Antonio Manuel Fraga. 

O escritor conversou coa rapazada e destripoulles como se xestou a súa novela Santoamaro, que leron na materia de Lingua Galega e Literatura. Tivo tempo tamén para responder as preguntas da rapazada e asinar algúns exemplares do seu libro.